সেইদিনা বতাহছাটি পশ্চিমৰ পৰা পূবলৈ বলিছিল আৰু মই গুচি আহিছিলো বৰ্তমানৰ পৰা অতীতলৈ । অতীতৰ ধূলি ফালি আহি আছিল মোৰ পিনে স্মৃতি পথাৰত মাছ ধৰা দৃশ্য তাতে মই ৰৈ আছিলো হাতত জাকৈ খন কাষত খালৈটো লৈ । এখন সতেজ ছবি আমিবোৰে ডিচেম্বৰৰ পথাৰত চেচোঁৰ খান্দোতে কৰা হাই উৰুমি বতাহে উৰুৱাই নিয়ে  হাঁহি আৰু কান্দোন মিহলি মাত বাহ গছত ঠেকা খাই প্ৰতিধ্বনি হয় এটাই শব্দ এইজোপা মোৰ এইজোপা মোৰ । অলপ আনন্দ জানুৱাৰীৰ কুঁৱলীৰ মাজত জানটোৰ বগৰী জোপাকলৈ । আকাশত জোন আৰু জোনাকী আইতাৰ চোতালত আউসীৰ আন্ধাৰৰ লেপ অলপ কষ্ট হয় জোনাকী নিশাটোত আন্ধাৰে খেলা কৰিলে। হাতে হাতে কচুপাত �কলি আম কেইটিমান কেচাঁ কণ জলকীয়া দুটামান নিমখ অলপ আহ গোন্ধই মোক খা মোক খা কৈ হাতবাউলি মাতে । লাহে ধীৰে আহি থাকে স্মৃতি ৰেলৰ দবা উঠি ।